Мектеп тарихының хронологиясы
- 1927 жылы қыркүйекте аудан орталығыАқжар селосынан типтік жобамен салынған жаңа мектеп ғимараты бой көтерді . Ең алғашқы мектеп директоры Егізбай Ожықанов болды .
- Мектеп бастауыш мектеп негізінде құрылып , мектеп , интернат , жатақхана барлығы бір орында болды .
- Жаңа ашылған 4 кластық бастауыш мектепте 120 дай бала оқыды .
- 1929 жылдан бастап мектеп колхозшы жастар мектебі болып аталады .
- 1935 жылдан Ақжар орталау мектебі деп аталды. Осы уақытта Ақжар селосынан Жаңатілеу бастауыш мектебі құрылып , Ақжар орталау мектебін оқушылармен қамтамасыз ететін базалық мектепке айналды . Осы мектепке кейін К . Д Ушинский аты берілді .
- 1936 – 37 оқу жылында мектеп 7 жылдық білім беру сатысына көшті.
- 1938 - 39 ж.ж Мектеп директоры Халық қаһарманы Қасым Қайсенов болды .
- 1938 – 40 жылдары мектеп Ақжар орта мектебі болып қайта құрылады. Алғаш мектеп құрылғанда 5 класс болса , осы уақытта класс саны 15 ке жетіп , бала саны 300 ден асады . Кейін 22 класс болып оқушы саны 506 болды .
- Осы жылдары мектеп жанынан 60 балалық бюджеттік интернат ашылды .
- 1939 - 40 жылдары мектепте орыс кластары ашылған .
- 1945 жылы халқымыздың бас ақыны , ойшыл , ірі гуманист Абай Құнанбайұлының 100 жылдығына орай мектепке Абай аты берілді .
- 1948 – 1977 жылдары мектепті 2269 оқушы бітіріп ,орта білім туралы аттестат алды .
- Олардың ішінде 36 оқушы мектепті алтын және күміс медальмен бітірді .
- 1964 жылы мектеп жаңа зәулім ғимаратқа орын ауыстырды. Мектеп директоры Қыдырбек Билялов болды . Қазір осы ғимарат халық арасында « ескі Абай » деп аталады .
- 1977 жылы мектепте 1140 оқушы білім алып , оларға 60 жуық жоғары білімді мұғалімдер сабақ берді .
- 1978 -79 оқу жылында мектеп қазіргі қолданыстағы үшінші жаңа ғимаратқа орын ауыстырды .Мектеп директоры Қаленов Совет болды.
- Мектептің алғаш құрылғаннан бергі әр он жылда оқу орынының 50 , 60,70, 80 жылдық мерейтойлары аталып өтілді .
- Осы кезеңде Тарбағатай ауданының алғашқы білім ордасы , халықты сауаттандырудың шуақты шамшырағымен мәдени ошағы болған Абай атындағы орта мектеп ,халық арасында Тарбағатай ауданының университеті деген құрметті атқа ие болды .
- 2017 жыл Абай атындағы орта мектепке торқалы 90 жыл толды.
- 2020 жылы Абай атындағы орта мектепке 93 жыл болды.